_0.webp "تحميل كتاب الخروج عن النص pdf - محمد طه")
معلومات عامة عن الكتاب
- اللغة : العربية
- اﻟﺘﺼﻨﻴﻒ : كتب التنمية البشرية
- الحجم : MB 2.56
- عدد الصفحات : 158
- عدد التحميلات :1710
- نوع الملف : PDF
- المؤلف : محمد طه
لمحة عن الرواية
كتاب الخروج عن النص pdf تأليف محمد طه .. مهم جدا في رحلة اي حد فينا إنه يقف شويه قدام المراية... المراية النفسية... اللي من خلالها يقدر يشوف نفسه، ويعرفها، ويتعلم منها.. علشان يخرج عن النصوص القديمة، ويبدأ يقبل نفسه ويحبها، ويغيرها للأحسن . وهي رحلة تستحق التعب، والصبر، وبعض الألم. الكتاب ده هيساعدك إنك تشوف. تشوف نفسك، بكتير من تفاصيلها و خباياها.. تشوف الآخرين، بطريقة جديدة و مختلفة تماما.. وتشوف علاقاتك، بدرجة عالية من الدقة و الوضوح.. الكتاب ده هيساعدك إنك تتغير. وتخرج عن النص. محمد طه
عن الكاتب
محمد طه استشارى ومدرس الطب النفسى .نائب رئيس الجمعية المصرية للعلاجات الجماعية (سابقاً)زميل الكلية الملكية البريطانية عضو الجمعية العالمية والجمعية الأمريكية للعلاج النفسى الجمعى.له أبحاث علمية وأعمال أدبية منشورة داخل وخارج مصر. ينتمى لفريق علمى يقوده (أ.د. رفعت محفوظ- أستاذ الطب النفسى- مصر). قام هذا الفريق بتطوير نوع جديد من العلاج النفسى يطلق عليه (طريقة الخطوات الأربع فى العلاج النفسى الجمعى). وأصبحت هذه الطريقة واسعة الانتشار فى مصر ومعروفة عالمياً.
اقتباسات من كتاب الخروج عن النص
فيه ناس بتبقى عاملة زى مصاصين الدماء.. يعنى يبقوا عاوزين يمصوا دمك.. يبقوا عاوزين ياخدوا منك كل اللى يقدروا ياخدوه.. تبقى انت صاحب العطاء الدائم الذى لا ينقطع.. تدى.. تدى.. تدى، تنزف.. تنزف.. تنزف.. تحب.. وتقبل.. وتسامح.. وتسمع.. وتفهم.. وتقدر.. وتعذر.. وتستحمل.. وتقطع من نفسك كل يوم حتة تقدمها قربان ليهم.. وتدفع كل يوم تمن غالى فى سبيل رضاهم.. وهم مش بيشبعوا.. ولا هيشبعوا.. أبداً.
إحساسك بالذنب هايوقفك ويسجنك ويشل حركتك ويخليك تكرر نفس الغلطة تاني ألف مرة.. إنما إحساسك بالمسئولية هايخليك تتعلم، وتعتذر، وتسامح، وتتغير.. وتتحرك.. وتتحرر ..
فيه بعض الناس بتستلذ بتعذيب نفسها.. وجلد ذاتها.. ناس بتعمل دماغ من الألم.. وبتستعذب الوجع.. دول بكل بساطة.. بينتقموا من نفسهم.. أو بينتقموا من غيرهم فى نفسهم..
من حقك تحدد مين.. هايكون فين.. امتى.. مهم حدودك تبقى واضحة.. وأرضك تبقى أمنة.. ومهم إنك تدافع عنها وتحميها.. ضد أى أذى من أى نوع.. تحديد المسافة بينك وبين أى حد حق أصيل ليك.. زى ما هو حق أصيل لكل الناس.. بيتك النفسى ملكك.. مش ملك أى حد تانى..
غلطت؟ سامح نفسك.. واتعلم من غلطك.. وابدأ من جديد.. هو إحنا بنتعلم من غير ما نغلط؟ ضعفت؟ اقبل ضعفك.. ماهو انت بشر.. والضعف جزء من بشريتك فشلت؟ وماله.. هو النجاح ليه طعم من غير الفشل؟ اقبل فشلك.. وحاول تاني
فيه ناس هوايتها الاقتحام.. اقتحام الاخرين.. يقرب منك.. ويقرب أكتر.. ويلاقيك فاتح حدودك.. فيدخل.. ويتجول.. ويحس إن المكان مكانه، فيقعد.. ويبدأ فى استهلاك مشاعرك، فيخليك تحزن مكانه، وتتألم بداله، وتشيل همومه بالنيابة عنه.. وبعدين يبدأ فى انهاك أفكارك، فتحتار فى مشاكله.. وتتردد فى قراراته.. وتعانى فى كل خطوة هو بيخطيها.. وبعد شوية كمان يبدأ فى توجيه تصرفاتك لحسابه.. ورسم سلوكك لصالحه.. وانسى بقى.. انسى نفسك يعنى..
الوأد مش بس للبنات الصغار أيام الجاهلية، الوأد ظاهرة إنسانية بتتكرر كل يوم، كل نفس حقيقية ممكن تتعرض للوأد عن طريق التربية القاسية، كل تلقائية/حيوية/طفولة/إمكانات حقيقية ممكن تتعرض للوأد عن طريق رفضها في الصغر، كل جزء من نفسك ممكن يتعرض للوأد في البيت أو في الشارع أو في المدرسة أو في المجتمع.
الملكية الفكرية محفوظة لمؤلف الكتاب المذكور
